Astigarragako etxeetako txikienek bete zuen aurreko larunbatean musika eskolako aretoa. Pello eta Otsoa ipuinaren bitartez, haurrek musika sinfonikoa era dibertigarrian ezagutaraztea zuen helburu musika eskolak, baita lortu ere. Txirula, oboea, tronpa, klarinetea eta fagotaren bitartez, eta narratzailearen istorioa oinarri hartuta, haurrek 1936an Serguéi Prokofievek musikatutako ipuinaren bertsioaz gozatu ahal izan zuten.