Atzerako zenbaketa martxan jarri nahi du BagaGiltza herri plataformak, larunbatean; udaberrian egin nahi dute erabakitzeko eskubidearen inguruko herri galdeketa, eta horri keinu bat egiteko asmoz, Udaberri Festa antolatu dute.
500 sinadura, baietz
Galdeketa egin ahal izateko, Hernanin 1.700 sinadura bildu behar dira, eta Astigarragan, 500. Larunbateko Udaberri Festan emango zaio hasiera bilketa kanpainari, eta 500 hernaniarrek eta 100 astigartarrek sinatzea lortu nahi dute. Argazkiak egin eta sare sozialetan #sinatukodut hashtagarekin partekatzeko edo bagagiltza@gmail.com helbidera bidaltzeko deia ere egin dute.
Festa Atsegindegin egingo da, 16:30etan hasita: ondo pasatzeko denetik izango da.