Kontzentrazioa bihar, «biktima guztiak» gogoratzeko

Memoriaren Egunera atxikitu zen Astigarragako Udala iaz, Eusko Jaurlaritzaren gonbidapenari erantzunez, eta berriz ere, konpromezu honi jarrai­tzeko asmoa azaldu dute: «aurten ere, gobernu honek azaroaren 10a, biktima guztien oroimenerako eguna izatea nahi du». Horregatik, 15 minutuko kontzentrazioa deitu du biharko; eguerdiko 12:00etan jarri dute zita, eta ondoren, biktimen familiei lore eskaintza egingo zaiela jakinarazi dute. 
Horrez gain, Udalak azaldu duenez, Astigarragako bandera haga-erdian izango da egun guztian.
Bestalde, adierazi du: «ome­­­naldia Udal Gobernu honek oroitzapenerako proiektuak eta memoriaren inguruan egitasmoak martxan jartzeko duen konpromezuarekin bat dator».

Lau biktima, Astigarragan
Udalak gogorarazi du Eus­ko Ja­ur­laritzak iaz banatu­ta­ko txostenean, Euskal ka­suan izandako bizitzeko eskubidearen aur­ka­ko urraketen argazkiak, he­rriz herri (1960-2015) ze­la­ko­an, As­tigarragako lau bik­tima ja­sotzen dituela: Jo­seba Baran­di­aran, 1978­an po­liziak su-­ar­maz hildakoa; To­mas Alba, 1979an GAE eta BVEek tirokatu zutena; Bixente Perurena, GAL­ek tiroz hil zuena (1984); eta Agus­tin Irazustabarrena, 1985e­an GALek su-armaz hil zuena.