Errefuxiatuen gaiari «aurrez aurre begiratzeko» gonbidapena, herritarrei

Herritar talde batek anto­latuta, Elkartasuna Errefu­xia­­tuekin jardunaldiak an­to­latu dituzte Astigarragan gaur­tik igandera bitartean. Argi izpi bat itsas ilunean. Ongi etorri errefuxiatu! izen­burupean, hain­bat ekintza egingo dituzte herrian, «erre­fuxiatuen egoe­ra latza eza­gutzera emateko», anto­la­tzaileek azaldu dutenez.

Pintxo-potea, aurreneko egunean
Herriko hainbat tabernatan egingo den pintxo-pote soli­da­rioarekin hasiko dituzte ekin­tzak. Bertan, pintxo bereziak eskaintzeaz gain, erre­fuxia­tuen egoerari buruzko infor­ma­zioa zabalduko dute eta SMH (Salvamento Marítimo Humanitario) taldeko kideei laguntzeko eltxetxoak ere ja­rriko dituzte. 

Etziko eguna, erreflexiorako
Jardunaldietako egun haun­dia izango da, etzikoa; orduan izango dute aukera herrita­rrek errefuxiatuen egoera aurrez aurre zein den jakiteko. Goizeko 09:00etan, Yo estoy con la novia pelikula ikusiko dute Arantzazuko Ama BHIko 4garren mailako ikasleek, eta ondoren, solasaldia izango dute protagonistekin.
Arratsaldean, beste bi zita izango dira, kasu honetan, herritar guztiei irekiak dire­nak. 19:30etan izango da au­rre­nekoa: kultur etxean es­ka­iniko dute hitzaldia SMHko bo­londresek. Ondoren, La Zan­ja antzezlana ikusteko aukera izango da leku berean, elkar­tasunezko 5 euroren truke. 

Beste bi ekintza, asteburuan
Igandean emango diote buka­era errefuxiatuen inguruko pro­gramari, baina horren aurretik, bi ekintza izango dira asteburuan. Larunbatean, Yo estoy con la novia pelikula ikusi ahal izango dute herri­tarrek kultur etxean. Iluntzeko 20:00etan jarriko dute, eta elkartasunezko 2 euro or­daindu beharko dira. Ikas­leekin egin bezala, pro­iekzioa bukatuta, solasaldia izango da protagonistekin.
Bukatzeko, azoka solida­rioa izango da igandean. Jo­seba Barandiaran plaza postuz beteko dute eguerdiko 12:30e­tatik 14:30etara, eta ber­tan jarriko dituzte salgai, bes­teak beste, Zaporeak eta SMH tal­deetako materiala, gozoak, pintxoak eta pitxiak. Umeen­tzako jolasak edo musika ez dira faltako.

Argazki erakusketa, ere bai
Gainera, jardunaldiek iraun bitartean, erakusketa jarriko dute Ikatza, Zipotza eta Ogi Be­rrin Javi Julioren argazkiekin. Grezian ateratako argazkiak dira, eta errefuxiatuek bertan bizi dute egoera zuzen zuze­nean islatzen dute.

«Begiak zabaltzeko garaia da»
Jardunaldi hauek antolatze­an, «errefuxiatuen gaiari au­rrez aurre begiratzeko gonbi­da­pena» egin nahi diete herri­tarrei: «200.000 pertsona hil di­ra, 4.000.000 pertsonatik go­ra errefuxiatu daude, Euro­pa mugak ixten ari da, per­tsona horiei sartzea galeraz­teko. Ge­rra, suntsipena, familiak de­se­ginda, beraien herria eta bi­zi­modua utzi eta ihes egin be­harra... Ihesean doaz, datoz, babes bila, odol eta heriotzarik gabeko bizimodu duina amets dutela». 
Baina, kexa dira: «tele­bistaren pantailari begira jarri eta ez da denbora askorik egin behar munduan barrena mi­loi­ka pertsonek bizi duten dra­ma zuzenean ikusteko. Zori­txa­rrez, irudi horiek ez di­gute barrena astintzen. Ohi­tu egin gara. Urrun gera­tzen dira, ta­malez, gure egu­neroko bizi­mo­dutik urru­negi». 
Horren aurrean, diote: «Eu­ropa ez da he­rri eta per­tsona horiei be­har eta merezi duten eskuzabaltasunik ema­ten ari». Horregatik, alda­rri­katu nahi dute: «begiak za­baltzeko garaia da!». 

JARDUNALDIETAKO PROGRAMA

BIHAR, osteguna: 
- Pintxo-pote berezia eta solidarioa.
Herriko tabernetan pintxo bereziak eskainiko dira, errefuxiatuen egoeraren inguruko informazioa helaraziko da, eta  SMHko kideei bere salbamendu lanetan laguntzeko eltxetxoak denon eskura jarriko dira.

ETZI, ostirala: 
- 09:00: Yo estoy con la novia. 
Arantzazuko Ama BHIko 4. mailako ikasleei zuzendutako pelikularen proiekzioa. Ikasleek, filmaren ondoren, protagonistekin solasaldian aritzeko aukera izango dute, 
Sinopsia: Poeta palestinar batek eta kazetari italiar batek, Europara Lampedusa uhartetik Siriako gerratik ihesi iritsi diren 5 palestinar eta siriarrekin topo egiten dute Milanen. Beraien Suediarako bidaia bukatzen laguntzea eta erabakitzen dute ezkon­tza fiktizio bat antolatzen.

- 19:30: Solasaldia. Sorosle eta itsas salbamenduetan dabiltzan SMHko bo­lon­dresen esperientzia eta hango errealitatea ezagutzeko aukera izango dugu. 

- 20:30: La Zanja antzezlana, kulturarteko errefuxiatu migrantez osatutako ‘Caminos para crecer’ taldearen eskutik. Gaztelaniaz. Elkartasunezko 5 euro.
Sinopsia: Maria eta Ousmanne bikote bitxi, arraroa da. Maria, agian, desorekatu samar. Ousmanne, etsituta seguruenik. Elkarrekin esnatutako gauaren sakontasunean ontziratuko gaituzte. Errealitate, esperientzia, testigantzen programa bat. Benetako pertsonekin bidaiatuko dugu, bere benetako istorioekin. Egiaz betetako pertsonak, beraien egia kontatuko digutenak. Munduari enbarazu egiten dion egia.

AZAROAK 12, larunbata: 
- 20:00: Yo estoy con la novia proiekzioa, eta solasaldia protagonistekin. Gaztelaniaz. Elkartasunezko 2 euro. 

AZAROAK 13, igandea: 
- 12:30-14:30: Azoka solidarioa. Zaporeak eta SMHren materiala, 
gozoak, pintxoak, pitxiak... salgai. Umentzako jolasak, musika... ere bai.