Elkartruke aberatsa, Nordhorneko eskolarekin

‘Hernani’ Musika Eskolako hainbat ikasle Alemanian, Nord­horn hirian izan berri di­ra, bertako ikasleekin elkar­tru­kean. Izan ere, iazko ikas­tur­tean haiek izan ziren he­men, Europa osoko 8.000 ikasletik gora elkartu zituen EMUSIK jaialdian parte hartzeko, Donostia2016 ekimenaren bueltan.
Musika eta kultura partekatzen
Lau taldek bidaiatu dute Ale­ma­niara: akor­deoi orkes­trak, Ma­ribel In­saus­tiren zu­zen­da­ri­tza­pean; Her­nasax saxo tal­de­ak, Idoia Mujikak gi­da­tuta; Da­ka­po abes­batzak, Gar­biñe Or­be­go­­zo­ren batuta­pe­an; eta Irati Gar­­cia eta Gema Ines txala­par­tariek. 
Talde bakoitzak hainbat pieza jo zituen, eta denak elkarrekin aritu ziren, bukatzeko.
Hernaniarrek «harrera ezin­hobea» egin dietela az­pi­marratu dute, eta horri esker, Nordhorn ezagutzeko aukera eduki izana. Era berean, Brujas, Gante eta Bordele ere ezagutu dituzte. Bestalde, po­zik azaldu dira, «txa­la­par­tak Nordhorn-eko per­ku­sio tal­de­an sortutako interesa» medio.

9225, sariduna
Bidaiarako laguntza lortzeko errifak saldu zituzten, eta 9225 zenbakia izan da saritua; 943 33 70 50ra deitu behar du.