Ia bost urte bete dira Kronikak, beste 20 komunikabiderekin batera, Tokikom, toki komunikabideen bateragunea sortu zuela, komunikabide txikion panoramoa sendotzeko asmoz. Hori ospatzeko, Tokikom Jardunaldiak antolatu dira astelehenerako. Arrasateko Garaia Berrikuntza Gunean izango dira, goizeko 09:00etatik bazkalordura arte; bazkaria ere izango da, nahi dutenentzat. Izenematea bihar bukatuko da: http://tokikom.eus/jardunaldiak. Besteak beste, hainbat adituk aztertuko dituzte toki komunikabideon erronkak eta euskeraren transmisio katean betetzen dugun papera.