Duela bi urte hasi zen elkartzen 10 laguneko talde bat Hernanin, «ibilbide pertsonal, jatorri ideologiko eta ikuspegi desberdinetako herritar multzo bat», eta gaur, 19:00etan, mahai-inguru irekia deitu dute, Errioguarda-enea jatetxean, bi urte hauetan landutakoaren berri emateko.
«Herritarren iritzi eta kezkak ezagutu nahi ditugu»
Talde honen helburua izan da «desberdinak garenon arteko bizikidetzak dakarzkien erronkak partekatu eta Hernanin ekarpen bat egiteko aukerak aztertzea», azaldu dute.
Bide horretan, «10 herritarrok orain arte bizitutako elkarrizketa prozesuaren berri» eman nahi dute gaurkoan, eta horregatik antolatu dute mahai-ingurua. Baina horrekin batean, «hurbiltzen diren Hernaniko herritarren iritzi eta kezkak ere ezagutu» nahi dituztela adierazi dute.
Hori horrela, «Hernaniko herritar guztiei gonbidapena luzatu» diete, gaurko.