Urumea Harana Pastoral Barrutiko bost parrokietako arduradunak izendatu zituzten igandean. Joan Mari Olaetxeak, Donostiako Elizbarrutiko Bikario Nagusiak egin zituen aurkezpen lanak, Astigarragan lehendabizi eta Hernanin ondoren.
Murua eta Aperribai, parrokoak
Hemendik aurrera, Jose Luis Aperribai eta Xabier Murua arduratuko dira Astigarraga, Hernani, Ereñotzu eta Urnietako parrokiez. Bi parrokoak elkarlanean ariko dira apaiz jubilatu, erlijioso eta laikoekin.
Santu Guztien Egunean
Bestalde, etzidamu egun berezia izango da askorentzat, Santu Guztien eguna izaki, herritarrek gogoan izango baitituzte hildako senideak, lagunak...; lore sorta eskaintza egingo diete askok. Eta beste asko, meza entzutera gerturatuko dira; aukerak bailara osoko eliza eta parrokietan izango dira. Hernanin: 09:00etan Agustinetan; 11:00etan Floridan eta 12:00etan San Joan Bataiatzailean. Ereñotzun goizeko 10:00etan izango da meza. Astigarragan 10:30etan parrokian eta 12:00etan hilerrian. Aranon 10:00etan. Eta Goizuetan, 12:00etan izango da meza elizan, eta 17:30ak aldera, hilerritik bueltan.