Bederatzigarrenez, argazki rallya antolatu zuen Sagardoetxeak Sagar Uzta Jaian. 20 parte-hartzaile izan ziren, eta horiek aurkeztutako argazkien artean erabaki dituzte 2 saridunak. Jose Angel Amuchasteguiren argazki bilduma izan zen, bildumarik onena, eta Izar Carazorena, berriz, bigarrena.
Saridunei, opari bera
Denera bi saridun izan ziren; epaimahaiak erabaki zuen zein bi bilduma saritu.
Bilduma onena, eta bigarren bilduma onenaren izendapena jaso zuten, baina opari bera: bertako produktuen sorta bat eta sagardotegi batean otordu pargabea. Baita parte hartu izanaren meritua eta ohorea ere!
Erakusketa, Ikatzan
Sentimendu horrekin bat egiten dute, baita ere, IXgarren Argazki Rallyan parte-hartu zuten beste 17 parte-hartzaileek; izan ere, irabazleen argazkiekin batera, parte-hartzaile guztien argazki bana erakutsiko da atzo, sari banaketaren ondoren, ireki zen erakusketan. Ikatza tabernan izango dira lanak ikusgai astebetez, eta kultur etxean jarriko dira gero, urriaren 30era arte.