Omenaldia gaur hilerrian, frankistek 1936an Hernanin fusilatutako 200 pertsonei

Hernaniko udalak omendu egin­go ditu gaur, indar fran­kis­tek 1936an Hernanin fu­si­la­tu­tako 200 pertsonak. Hi­lerrian izango da omenaldia, eguerdiko 12:00etan. Ekitaldia Irati Sara­su­ak eta Jon Odrio­zolak aurkez­tu­ko dute; musika Joxan Goiko­etxeak jarriko du eta bertsotan Amets Arzallus ariko da. On­doren, erakun­dee­tako ordezka­riek hartuko dute hitza. Her­naniko alkatea, Luis Intxauspe izango da horietako bat. Eta bertan izango dira, bai­­ta ere, Maribel Vaquero, Bi­zikidetza eta Giza Es­ku­bideen foru zuzen­da­ria; eta Ain­tzane Ezenarro, Eusko Jaur­laritzako Gogora Institutu­a­ren zuzen­da­ria. Ekitaldira gon­bi­datu dituz­te, baita ere, bik­­timen eta fu­silatuen se­ni­deak, fusilatu­en herrietako Uda­lak edo Al­ka­teak, memoria lantzen du­ten el­kar­teak, eta noski he­rri­ta­rrak. Ekitaldi honekin frankismoa­ren errepresioaren biktimei me­rezitako aitortza eskaini nahi die Udalak.

«Frankisten errepresio odoltsu eta krudelaren sinbolo bihurtu zen Hernani»
Oroimena berreskuratuz izen­bu­ru­pean antolatu ditu Uda­lak, gaurko omenaldia eta he­re­negungo proiekzio-solasal­dia. Eki­menen bueltan ateratako es­ku­orrian, Udalak gogora ekarri ditu 1936an ger­ta­tutakoak: «tro­pa frankis­tak 1936­ko irailaren 12-13an sartu zi­ren Her­nanin; eta hurrengo urte­etan errepre­sio bortitza pai­ratu zuten her­na­niarrek. 1936ko irailaren bu­kaeran, fran­kistek ia Gipuzkoa osoa oku­patu zuten». Behin Gi­puz­koa hartuta, Hernani exe­kuzio gune bihurtu zen: «200 bat pertsona fusilatu zituzten: errepublikarrak, sozialistak, ko­mu­nistak, abertzaleak...». Erre­pre­sioak luze iraun zuen: «ora­in­dik ere, irauten duela esan de­zakegu. Jarraitzen du, fran­kismoko biktimen me­moria be­rreskuratu ez delako, pertsona haiek eta haien senideek me­re­zi duten aitortza jaso ez dute­la­ko, justiziarik egin ez zaielako»