Emaitza txarrei buelta emateko asmoz, etxean jokatuko du Mundarrok, asteburu honetan. Azkeneko bi partiduak galdu dituzte moreek, eta irabazteko premia daukate, sailkapenean toki erosoago bat izateko, Erregional Preferenteen mailan.
Urnietaren kontra ariko dira astigartarrak bihar, arratsaldeko 16:00etan hasita.
Azkeneko bi partiduak galduta, irabazteko premia daukate moreek, Urnietaren kontra.
Urnieta, puntu berdinekin sailkapenean
Sailkapenean, pare-parean dagoen talde bat izango du aurrean Mundarrok. Puntu berdinekin daude astigartarrak eta urnietarrak; zortzi punturekin: bi partidu irabazi, bi enpatatu eta hiru galdu. 10garren dago Urnieta, eta 12garren Mundarro; baina aurreko postuak ez dauzkate urruti, oraindik: seigarren sailkatuak, bi puntu gehiago dauzka.
Preferenteen ondoren, Lehenengo mailako taldea ariko da Zarkumendegin: 18:00etan, Amara Berriren kontra.