Biharkoa bosgarren jardunaldia izango da Erregional Ohorezko Mailako mutilek Oiartzunen kontra Zubipen jokatuko dutena, eta irabaziz gero, etxean lortutako bosgarren garaipena ere izango litzateke. Etxetik kanpo, ordez, ez dute zorte onik izan, eta lau partidutatik bat bera ere ez dute irabazi (tartean, berdinketa bakarra).
Hortaz, bosgarren garaipena lortzeko helburuarekin neurtuko dituzte indarrak oiartzuarren aurka bihar Zubipen, arratsaldeko 16:30etan.
Neskak ere, etxean
Etxean jokatuko dute, baita ere, Euskal Ligako Emakumeek gaur. Arratsaldeko 18:00etan hasita, Pauldarrak taldea izango dute aurkari aurrenekoz; izan ere, Euskal Ligara igo berriak dira barakaldoarrak. Sailkapenean azken aurreko postuan egonda eta aurretik partidurik irabazi gabe datoz gaur Hernanira, beraz, hori aprobetxatu beharra daukate hernaniarrek, garaipenak ihes egin ez diezaien.