Bost bikote lehian, aurtengo Binakako Txapelketan

Binakako Txapelketa mar­txan da dagoeneko; asteaz­ke­nean aurkeztu zuten Gala­rretako Orona-Ideon, eta hu­rren­go egunean, oste­gu­ne­an, jokatu zituzten aurre­neko partiduak. 
Denera, bost bikote le­hia­tuko dira aurten: Urriza-Zu­biri, Ezkurra II-Ion, Ez­ku­rra-Etxeberria III, Segu­ro­la-Ba­rrenetxea IV, eta Uterga-Endika.

Ligaxka, aurrena
Herenegungo partiduekin jarri zen martxan Txapelketari ha­siera ema­­ten dion ligaxka. Aza­ro­an zehar, hilaren 26ra arte, denak denen aurka jo­ka­tuko dute. Ligaxka horre­tan zehar, aurkez­penean go­go­rarazi zu­ten azkeneko urteetan era­bi­li­tako puntua­zio-sistema be­ra erabiliko dutela aurten ere: irabazlea­rentzat, 4 pun­tu; 36-39 tanto bitartean egi­ten dituena­rentzat, 2 puntu; 32-35 tanto bitartean, puntu bat; eta 32 tanto azpitik egi­nez gero, ez dute punturik ge­hituko.
Horren arabera puntuazio al­tuena lortzen duten lau bi­koteak pasako dira fina­ler­dietara. 

Finala, abenduaren 17an
Abenduaren 3an eta 10ean jo­katuko dituzte finaler­die­tako bi partiduak. Aurreneko zi­tan, ligaxka au­rre­neko pos­tu­an bu­ka­tzen duen bikoteak lau­garrenaren aurka lehia­tuko da; biga­rre­nak, aldiz, hiru­ga­rrena izan­go du aurrez aurre.
Finalean izango dira bi bikote onenak, eta aben­dua­ren 17an neurtuko dituzte indarrak. Orduan erabakiko da, hain zuzen, ze bikotek jan­tziko duen 46garren edizioko txapela. 

Txapelketako Tantoa, aurtengo nobedadea
Urtero bezala, bi sari izango dira, txapelketako aurrelari eta atzelari onenei. Eta no­bedade bezala, beste bat ere banatuko dute, Txapel­ketako Tantoa, jokatuko diren partiduetan zehar, tanto luzeena egin duenarentzat.

Ligaxkako partidu bat, gaur 
Ostegunean izan zen aurre­neko partidua: Ezkurra eta Etxeberria IIIak irabazi zion Barrenetxea IV eta Segurolari (40-37). Eta gaur izango da ligaxkako  bi­garren jardu­nal­dia Gala­rre­tan; 16:00etatik au­rrera joka­tuko dute Ezku­rra eta Etxe­berria IIIak, Ezku­rra IIa eta Ionen kontra.