Modu dibertigarri batean gerturatuko dira haurrak, gaur, musika sinfonikora. Norberto Almandoz Musika Eskolan izango dute horretarako aukera, arratsaldeko 17:30etatik aurrera: Pello eta Otsoa ipuin musikala eskainiko du Sugar boskoteak.
Sarrera doan izango da, eta sei izango dira, taula gainera igoko direnak. Sugar boskotea osatzen duten musikariak, batetik: Nagore Larrion txirularekin, Laura Marcos oboea jotzen, Eider Gaztañaga tronparekin, Eneko Iriarte klarinetearekin eta Iñaki Iraola fagota jotzen. Eta bestetik, narratzaile bat ere izango dute lagun, Esther Iñiguez. Ikusentzunezko batez ere lagunduko dute emanaldia.
Sarrera doan izango da, eta 17:30etan hasiko da saioa.
Otsoa bakarrik ez; ahatea, txoria eta katua, Pellorekin
Serguei Prokofievek egindakoa da Pello eta Otsoa obra, 1936an, Moskuko haurrentzako antzokiak eskatuta. Nahi zuten, hasieratik piztu haurren interesa musikarekiko. Ipuin horren bertsio bat da, gaur eskainiko dutena.
Pello da ipuinaren protagonista, eta bere aitonarekin bizi da, basoko etxe batean. Txori bat, ahate bat eta katu bat ere azalduko dira istorioan, eta azkenik, otsoa.
Pertsonaia bakoitzak, instrumentu bat izango du.
‘Entzunigarria’, hilaren 26an
Beste ipuin musikatu bat ere eskainiko dute Musika Eskolan, azaroaren 26an: Entzunigarria. 17:30etan izango da hori ere, Nagore Larrionekin (txirula) eta Esther Iñiguezekin (organoa).