Udazken Kulturala martxan izanen da gaurtik Goizuetan. Ganbaran, 18:30etan hasita, Sahara kantari emanaldia izanen da, Hotsneba taldearen eskutik: Iñigo Asensio eta Julen Apezetxea. Bihar berriz, jangelan, 11:00etan, Bizi baratzea liburua aurkeztuko du Jakoba Errekondok; 16:30etan, Umore Ona elkartean, jubilatuen mus eta truk txapelketan izanen dira jokoan; 17:00etan, eskolako frontoian, umeentzako jokoak izanen dira; eta 19:00etan, dantza lokaletan, plaza dantzak. Azkenik, igandean, jubilatuen eguna izanen da: pilota partiduak, bazkaria, kantu emanaldia...