Larunbat honetan eskainiko dute, Norberto Almandoz Musika Eskolan, Pello eta Otsoa ipuin musikala. Urriaren 1ean ziren ematekoak, baina atzeratu egin zuten, azken orduko ezusteko bat tarteko.
Arratsaldeko 17:30etan hasiko da saioa, haurrei zuzendua, eta sarrera doan izango da. Sugar boskoteak eskainiko du, narratzaile baten eta ikusentzunezko baten laguntzaz: Nagore Larrion txirularekin, Laura Marcos oboearekin, Eider Gaztañaga tronparekin, Eneko Iriarte klarinetean, Iñaki Iraola fagotarekin, eta Esther Iñiguez narratzaile lanetan.
Helburua, haurrak musika sinfonikora gerturatzea
Eskainiko dutena da, Serguei Prokofievek 1936an musikatu zuen ipuinaren bertsio bat, eta horrekin, lortu nahi dute haurrak musika sinfonikora gerturatzea, modu dibertigarri batean.