«Gero eta jarrera positibo gehiago ikusten dira gizartean»

Urtero bezala, sentsibilizazio-kanpaina berria abiarazi du Atzegik, adimen urritasuna du­ten pertsonen aldeko Gi­puz­koako elkarteak; eta hori aurkezteko, Plaza Berrin elkartu ziren. Bertan azaldu zutenez, ho­rrelako kanpainen on­dorioz, «ge­ro eta jarrera positibo gehia­­go ikusten dira gizartean». 
Gaur egun, Donostialdean,   147 familia dira Atze­giko bazkide, 103 kolaboratzaile ditu elkar­teak, eta 453 petsona dira Atze­gizale.

Atzegizale gehiagoren bila
‘Kaleatzegizale’ kanpainarekin, Atze­­­­­­gizale gehiago lortu nahi dituzte, keinu sinple batekin eta jarrera positiboarekin, ko­lek­tibo honen eguneroko bizitza errazten dutenak. 
Bestalde, da­goeneko Atze­gi­zale di­renei ere eskerrak eman nahi izan zieten. Horretarako, adimen urritasuna duten per­tsonen familiek txapak eta eta eskerrak emateko txartelak banatu zituzten bertaratu zi­ren Atze­gi­zaleen artean. 
Ildo beretik, eskerrak eman zizkien Naroa Azal­degik, adimen urritasuna duen hernaniarrak, bertaratu ziren bi Atzegizaleei. Batetik, Kera arropa-dendako Mentxuri: «zure dendara joatean oso guapa ateratzen naiz bertatik, eta modelo bezala desfilatzen utzi zenidanean, ilusio haundia egin zi­dan». Eta bestetik, Juan Bau­tistari: «ze ondo sentitzen naizen zure pelukerira joaten naizen aldiro», azaldu zuen. 

Boluntario bila
Horrez gain, jakinarazi zuten, larunbatero 16:15etatik 19:15e­ta­ra biltzen direla Biterin hainbat ekintza egiteko, eta boluntario bila dabiltzala. Interesa duenak, deitu: 943 42 39 42 (Atzegi) edo 696 90 83 91 (Koro).