Giro ezin hobea, eguraldi ederra... partidua irabaztea bakarrik falta zitzaien trikoloreei arratsalde borobila izateko. Eta hori ere, lortu zuten. 23-8 emaitzarekin irabazi zion Hernanik Ordiziari, azkeneko lau derbietan bezalaxe. Gainera, trikoloreek denboraldiko aurreneko partidua irabaztea lortu dute, hain beharrezkoa zutena.
Hasiera, berdintsu
Nahiko pareko hasi zuten derbia Hernani eta Ordiziak, baina 37garren minutuan guztiz aldatu, eta trikoloreek hartu zuten aurrea. Zigor kolpe banak emandako hiruna punturekin joan ziren atsedenera, eta etseguak ez ziren bigarren zatira arte azaldu. Genuak eman zizkion aurrenekoa Hernaniri 42garren minutuan (8-3); ondoren, Mattin Colladok egin zuen bigarrena (16-3), eta bukaera aldera, Genuak borobildu zuen partidua, 71garren minutuan (23-8).
Ordiziak ere izan zuen aukera, eta entsegua egin zuen 60garren minutuan.
Datorren asteburuan, Alcobendasen aurka
Garaipena poltsikoan, Alcobendasen aurka jokatuko du Hernanik datorren igandean. Eguerdiko 12:30etan izango da, Alcobendasko Las Terrazas zelaian.