Elkartasun Jardunaldiak antolatu ditu Hernani Wukrorekin elkarteak hamabigarrenez. Horren barruan, gaur goizean zumba solidarioa egingo dute goizeko 11:00etan hasita.
Arritxu Iparragirre eta Aizpea Arokak gidatuko dute saioa, eta herritar guztientzat irekia egongo da. Dena den, ekintza irekia izango da, baina izena ematea derrigorrezkoa izango da. Atsegindegin bertan egin ahal izango da; orduan, 16 urtetik gorakoek 5 euro ordaindu beharko dituzte, eta txikiek dohainik dantzatu ahal izango dute. Ekintza honetan jasotzen duten dirua, Hernani Wukorekin GKEk dituen proiektuak finantzatzeko izango da.
Meza eta bazkaria, bihar
Bihar emango diote bukaera Elkartasun Jardunaldiei. 09:00etan, meza eskainiko du Angel Olaranek berak Agustindarren elizan.
Eta ondoren, bukatzeko, Elkartasun Bazkaria egingo dute Txantxangorri elkartean.
Arropa, salgai
Era berean, helburu solidarioarekin, kamisetak, katiluak, jertseak eta bestelako materiala ere jarriko ditu salgai.