Etxetik kanpo jokatzea tokatzen zaio Mundarrori asteburu honetan. Orioko izango du aurkari, 16:30etan, Mendibeltzeko zelaian. Pare bat postu aurretik dijoa aurkaria sailkapenean, baina moreen antzeko ibilbidea egin du orain arte.
Beraz, gaurkoan, azken asteburuko akatsetatik ikasi eta garaipena etxera ekartzeko gogor egingo dute lan astigartarrek.
Ahazteko moduko asteburua
Azken partidua 0 eta 2 galdu zuen Mundarrok, Allerruren kontra, eta etxean. Aurreneko zatia nahiko txukuna izan zen, eta aukera garbirik gabe, parekatuta ibili ziren bi taldeak, zelaian. Bigarren zatian, ordea, asko okertu zen jokoa etxekoentzat. Laguntzaileak adierazitakoari kasu eginez, penaltia pitatu zuen arbitroak Lezokoen alde, eta hauek gola sartzea lortu zuten. Epaileen lan horrek aztoratu egin zituen moreak, eta hamar minutura bigarren gola egin zieten aurkariek. Horrez gain, zelaian jokalari bat gutxiago zutela bukatu zuten partidua. Gauzak horrela, akats horietatik ikasi eta aurrera egitea dute gaur helburu.