Neurria hartua ote dio Hernanik Ordiziari?

Garaipena lortu ezinda dabil Hernani, denboraldia hasi denetik. Lau partidu joka­tu dituzte jada, eta joko ona erakutsi badute ere, erre­ma­ta­tzea falta izan zaie.  Oho­rezko mailan ez dago aurkari errazik, baina Hernanik ‘in­dartsuenetarikoak’ izan ditu aurkari, hasiera honetan. Aurreneko garaipen hori lortzeko eguna izan daiteke gaurkoa: derbia, giro ona eta etxean jokatzearen abantaila izango du Hernanik. Ordizia azken urteetan ez da nahi bezain fin ibili, eta neurria hartua  dijoala ere esan daite­ke; azken bi denboraldietan, joan-etorrietako partiduetan, trikoloreak izan dira nagusi.
Ordiziak ondo hasi du den­boraldia; hiru garaipen lortu ditu dagoeneko. Az­ke­nekoa Se­villako Caja Solen kon­tra es­kuratu zuen Goi­erriko taldeak; hala ere, aipatzekoa da, na­gusitasuna ez zela marka­gailuak erakutsitakoa izan.

Ikusleen eguna
Hernani eta Ordiziaren arteko derbia 16:00etan jokatuko da gaur. Azaldu dutenez, klu­ba­ren eguna izango da gaurkoa, eta ikusle guztiek ordainduko dute sarrera: abonatuek 6 euro eta gainontzekoek 12 euro. Jasotzen den diru osoaren erdia Gasteizen jokatuko den errugbi barneratzaile mun­dialerako izango da.