Ibon Casasek erretinosis pigmentarioa deitzen zaion ikusmen-gaixotasuna dauka, eta gaixotasunaren aurka egiteko ikerkuntzarako dirua biltzeko kontzertua antolatu du, abenduaren 5ean, Donostiako Victoria Eugenia antzokian: Apaga la luz y cantar. Bertan hartuko dute parte Astigarragako Aiztondo abesbatzako kideek, beste hainbat abeslari, dantzari, musikari eta aktore ezagunekin batera, eta sarrerak salgai daude dagoeneko, www.victoriaeugenia.eus webgunean.