Gaur hasiko dute lau eguneko bidaia ‘Hernani’ Musika eskolako lau taldek: Akordeoi orkestrak, Hernasax saxo taldeak, Dakapo abesbatzak, eta txalapartari bikote batek. Alemaniako Nordhorn herrian izango dira astartera arte, EMUSIK jaialdiaren bueltan antolatutako elkartrukearen ondorioz. Izan ere, Nordhorneko musika eskolako taldeek Hernani bisitatu zuten maiatzean, eta gauza bera egingo dute hernaniarrek Alemanian.
Kontzertua, igandean
Lau eguneko egonaldia izango da, eta herria ezagutzeaz gain, kontzertua ere eskainiko dute. Igandean izango da hori, Nordhorngo Konzert-und Theatersaal aretoan, arratsaldeko 16:00etan hasita. Han eta hemenego taldeek hartuko dute parte hainbat abestirekin, eta bukaera berezia egingo dute: talde guztiek elkarrekin Andoni Egañaren Herri abestia jo eta kantatuko dute. Kontzertu solidarioa izango da hau, eta bertan bildutako guztia Italian izandako lurrikarak eragindako kaltetuentzat izango da.