Gazteen artean indarkeria sexista prebenitzea dauka helburu Beldur Barik programak, eta hori sustatzeko ikus-entzunekoen lehiaketa jarri da martxan aurten ere; 12 eta 17 urte arteko gazteek kategoria batean, eta 18 eta 26 urtekoek bestean, ikus-entzuneko proiektuak, bideoak aurkeztu behar dituzte azaroaren 9ra arte, www.beldurbarik.org webgunean.
Bideo horretan, erakutsi behar da neska eta mutilek nola erantzuten duten desberdintasun egoeren aurrean; eta baita ere, nola egiten dieten aurre indarkeria sexistaren adierazpenei, Beldur Barik jarrerarekin.
Tailerra, Gaztelekuan
Bideo horiek egiten ikasteko, tailerra izango da 17 urte artekoentzat Gaztelekuan, ostiralean (16:30-19:30), eta larunbatean (10:00-13:00 eta 16:30-19:30) eta gaur da izena emateko azken eguna. Nork bere Ipod, tablet edo mugikorra eraman dezke.