Neskatila pinpirina eta mutilzahar burugogorra izango ditu protagonista larunbatean 20:00etan kultur etxean ikusi ahal izango den antzezlanak; Ondoko hilobiko tipo hori.
Sarrerak salgai daude dagoeneko, www.astigarraga.eus webgunean, eta egunean bertan ere erosi ahal izango dira, 6 eurotan kultur etxean.
Komedia honetako oinarri izango da bi mundu oso desberdinetako bi lagunen arteko istorioa, irribarre leun batekin piztuko dena. Aitziber Garmendia eta Iker Galartza aktoreak izango dira protagonistak; algarak ez dira faltako!