Gaur hasiko dira, Wukro herriarekin Elkartasun Jardunaldiak. Igandera arte ospatuko dituzte, eta aurreneko zita, Biterin jarri dute gaur, arratsaldeko 19:00etan. Hitzaldia eskainiko du Angel Olaranek, bertan.
Horrekin, bidea egingo diote, astebururako prestatu duten programari. Zumba solidarioa izango da larunbatean, goizeko 11:00etan, Atsegindegin. Arritxu Iparragirrek eta Aizpea Arroyok gidatuko dute saioa, eta izena eman beharko da: 16 urtetik beherakoek doan, eta helduagoek 5 euro. Miguel Lujanbio, Iruretagoiena edo osteguneko ferian izango da apuntatzeko aukera.
Eta toki horietan berdinetan, erosi daitezke igandeko elkartasun bazkarirako txartelak ere. Txantxangorri elkartean izango da, 14:00etan.
Hori baino lehen, goizeko 09:00etan, meza eskainiko du Angel Olaranek berak, Agustinetako elizan.