Astigarraga Autoko langileek greba mugagabea hasiko dute berriz ere; hala jakinarazi du CCOOk, Kronikara bidalitako prentsa oharrean. Bertan diote EREa aurkeztu duela berriz enpresak, produkzio arazoak medio: «plantilla osorako EREa aurkeztu dute, kontzesionario zein tailerreko langileei eragingo diena».
ERE berri honi erantzuna emateko asmoz, eta kontsulten garaiarekin kointziditu arazita, langileek iragarri dute greba mugagabea hasiko dutela asteartetik aurrera.
CCOOk Astigarraga Autoren «atake» berria denuntziatu nahi izan du: «epe motzera begiratzen dute, irabaziak lortzea dute helburu, lanpostuak mantentzeko alternatibak bilatu beharrean».
Bilakaera, irailetik
Irailaren 20an aurreneko aldiz greba egitea erabaki zuten enpresako 27 langileek, enpresak desagertze EREa aurkeztea erabaki zuelako, plantilla osoan eragina izango zuena. Bi asteko mobilizazio eta negoziaketen ostean, EREa erretiratzea erabaki zuen enpresak. Orduan ELAk Kronikari azaldu zionez, epe motzerako kontua izango zela aurreikusten zuten: «uste dugu enpresaren asmoak ez direla aldatu, eta juridikoki hobeto prestatu nahi dituztela kaleratzeak. Are gehiago, beraiek onartzen dutenaren arabera, lan egiten dugun pabiloien salmenta dagoeneko egina dago».