«Proposatu dugu Haur Eskola Kultur Etxera aldatzea»

Gobernu Taldeak mozioa aurkeztu du, proposamen batekin: haur eskola berria egungo kultur etxea dagoen lekura eramatea. Ha­la azaldu dute Kronikara bidalitako prentsa oharrean: «kultur etxe berria Kontxa Etxeberria pla­zan eraikitzen denean, haur es­kola publikoa egungo kultur etxera eramatea proposatu dugu».
EH Bildurekin duen desados­ta­­suna ere azpimarratu nahi izan du Gobernu Taldeak prentsa oharrean: «oposizioak planteatu du Udalak Urumea Berrin jasoko dituen lokaletako batean koka­tzea haurreskola publikoa; hau da, haurtzaindegi pribatuaren parean».
Gogoratu dute, gaur egun, Astigarragako haurtzaindegi pu­bli­koa Nabarra Oñatz kaleko bi lo­kal ezberdinetan dagoela: «2015-2016 ikasturtearen hasieran Udalak bigarren eremu bat zabaltzeko erabakia hartu zuen. Eusko Jaurlaritzak eta Hau­rres­kolen Patzuergoak ez zuten egoki ikusi haurrak bi lokaletan banatuta egotea. Erabaki bat hartu beharra zegoen ordea, izen-ema­te eskaerek gora egin baitzuten».

«Urumea Berrira eramateak beste inbertsio bat eskatuko luke»
Gobernu Taldearen esanetan, EH Bilduren planifikazio faltak eraginda, udalak 52.000 euro inbertitu behar izan zituen lokalaren egokitzapen lanetan: «EH Bilduk ez zuen ondo aztertu gaia, eta haurtzaindegiarekin petatxo bat jarri besterik ez dute egin. Orain proposamen berriarekin datoz. Argi dago beraien legealdian ez zituztela astigartarrek dituzten beharrak ondo planifikatu».
Azaldu dute, haurtzaindegia Uru­mea Berrira eramateak beste in­bertsio bat ekarriko lukeela: «in­bertsio mardul bat egin be­harko luke, oraindik Nabarra Oña­tzeko bigarren lokalaren la­nak bukatu gabe daudenean. Egun­go lokalak kostu gehigarri ba­tzuk izan ditu: egokitzapena, alo­kairua, kanpoan parkea egitea...». Hori horrela, Gobernu Tal­deak dio EH Bilduren proposa­me­nak ez duela ez hanka ez bu­rurik: «guk proposatu dugu egungo kultur etxean jartzea haurreskola publikoa. Ideia hau duela bi legealdi Haurreskolen Patzuer­goko kideei luzatu zi­tzaien, eta begi onez ikusi zuten. Gainera, mozioari beste proposamen bat ge­hitu diogu: kultur etxeko gai­non­tzeko espazioa gurasoek ku­dea­tzea, EAJk programan jaso zu­en bezala, eta erantzuna emanez haur txikiak dituzten gurasoek urteetan egindako eskaerari».