Ostegunean bildu ziren CD Hernaniko Atletismo Taldea osatzen duten atletak, denboraldiari hasiera emateko. Nabarmendu zuten aurten 230 atletatik gora direla taldean.
Benjaminetatik hasi, eta alebin, infantil, kadete, jubenil, junior, promesa, senior, eta beterano mailetan hartzen dute parte, eta baita emakume taldean ere.
Amaia Andres, harrera egiten
Taldeko argazkia atera bezain laster, 2015-2016 denboraldiko rankinaren berri eman zuten arduradunek (rankina ikusgai: www.kronika.eus), eta marka onenak egindako atletei harrera egin zieten Esti Aldeiturriaga eta Garazi Etxarri zinegotziek, eta Amaia Andres Berakoetxea, Gipuzkoako Atletismo Federazioko lehendakari eta atleta olinpikoak.
Esnaola, mundialean
Bestalde, denboraldiko proben berri eman zuten, eta nabarmendu zuten Eva Esnaolak ultrafondoko mundu proban hartuko duela parte, azaroan.
Klasika eta Katxalin proba
Atleta hernaniarrak, txukun
Pasa den asteburuan zita bikoitza izan zuten atleta hernaniarrek Donostian. Batetik, Donostiako Klasika; hernaniarrik ez zen falta! Bestetik, bularreko minbiziaren kontrako Katxalin proba. Bertan, Iñigo Beldarrainek hirugarren egin zuen.