Milagrosa hartuko du erdigune Kantuz abesbatzak, beste behin, herritarren belarriak goxatzeko. Eta oraingoan ere, ez da bakarrik egongo, kantuan. Donostiako Ekintza abesbatza ere egongo da bertan, bihar iluntzeko 20:00etatik aurrera, 17 abestiko kontzertua eskaintzeko.
Bi kanta, elkarrekin
Horietako bi, elkarrekin kantatuko dituzte bi abesbatzek: Tourdion eta Goizian argi hastian. Eta horiez gain, abesbatza bakoitzak kantatuko ditu bereak: Kantuzek sei, Igor Arroyoren zuzendaritzapean; eta Ekintzak bederatzi, Marina Lertxundik zuzenduta.