Albaolara bisita gaur, eta ‘Rockalean’ kale animazioa ostiralean

Azkeneko egunetan sartu da Hernaniko Bakailu Astea, eta Albaola itsas kultura faktorian jarri dute zita, gaurkoan. Bisi­ta gidatua egingo dute, arra­tsaldeko 16:30etan hasita, eta ordu laurden lehenago egin dute zita, Trintxerpeko aparka­leku haundian. Bertatik, el­ka­rrekin joango dira Albao­lara, itsasontziz. Itzulera, berriz, 18:00ak aldera egingo dute.
Bisitaldia doan izango da, baina horretarako, izena eman behar da aurrez, Biteri aurreko turismo gunean, 943 33 70 28 edo gurutze-a@hernani.eus. 15 plaza daude bakarrik.

‘Rockalean’ eta uztartze afaria, ostiralean
Ostiralean, beste bi zita izango dira. 19:00etatik aurrera, Rocka­lean kale animazioa izan­go da. Eta 21:00etan, uztartze afaria egingo dute Iparragirre sagardotegian (27 euro). Apun­tatze­ko: 943 55 03 28 edo 943 33 73 70.