Larunbat honetan ospatuko du Amher elkarteak, Boluntarioen Eguna; irailetik atzeratu egin zena, hain justu. Biterin izango da, goizeko 10:30etan hasi, eta eguerdiko 13:00etan bukatuta, luntx batekin.
Horrela, ekitaldia aurkeztu ondoren, Amherren 2016ko jardueren berri emango dute; inmigrazioaz eta boluntariotzaz hitzaldia emango du Karlos Ordoñezek, boluntarioei emango diete hitza; eta bukatzeko, klownklusioak eskainiko ditu Xabier Zupiriak, luntxaren aurretik.
Amherreko boluntario guztiak gonbidatu dituzte ekitaldira, eta baita elkartearekin kolaboratzeko interesa daukaten guztiak ere.
Atzerritarrei Buruzko Legeaz, hitzaldia gaur Biterin
Hori baino lehen, ordea, beste zita bat ere jarri du Amherrek, bihar bertan. Hitzaldi informatiboa eskainiko dute Biterin, 19:00etatik aurrera, Atzerritarrei Buruzko Legearen inguruan: tramite ohikoenak, etxebizitza lortzeko jasaten duten diskriminazioa...