Martxan jarraitzen du, Dobera Euskara Elkartearen Ipuin Faktoriak, eta dagoeneko prest dauka bildumako hirugarren ipuina ere. Datorren astean bertan bidaliko du inprentara.
Armeniako ipuin klasiko bat izango da oraingoan, eta bi hizkuntzatan egongo da idatzita, hirugarren hau ere: jatorrizko hizkuntzan, armenieraz; eta euskeraz.
Laguntzaile bezala parte hartzeko, azken egunak
Aurreko bietan bezala, honetan ere zabaldu du aukera Doberak, ipuinean parte hartzeko, laguntzaile bezala. Nahi duten guztiek, orain dute azkeneko aukera, horretarako: datorren asteazkenera arte egin daiteke, urriaren 26ra arte.
Aportazioa 30 eurokoa da, eta horren truke, izena eta mezua jarri dezakete ipuinaren aurreneko orrian, ipuinaren ale bat jasoko dute, eta errenta aitorpenean dedukzioak izango dituzte.
Herritarrez gain, erakunde eta enpresek ere lagundu dezakete. 600 euroko aportazioa egin dezakete, eta trukean, bere logoa ipuinaren kontrazalean agertuko da.