Bi berdinketa eta porrot baten ostean, garaipenaren bidera bueltan da Mundarro. Asteburuan Deustoren kontra neurtu zituen indarrak Zubietan, eta 0-2 irabazi zuen talde moreak.
Partiduko aurreneko minutuak ez ziren Mundarroren onenak izan. Donostiarrak oso serio hasi ziren, eta aukera batzuk izan bazituzten ere, ez zuten golik sartu. Mundarrok berriz, izandako aurreneko aukera aprobetxatu, eta 0-1ekoa jarri zuen markagailuan. Polainak atezainaren akatsa aprobetxatu zuen, baloia urrutitik boleaz loratuta sartu zuen gola.
Bigarren zatian moreena izan zen jokoa. Lesioak eta aldaketak izan baziren ere, Igorrek hartu zuen aurreneko baloiarekin, kontraeraso azkar batean sartu zuen moreen bigarren gola. Zortzi puntu ditu Mundarrok, eta datorren astean Allerruren bisita jasoko dute Zarkumendegin.