Oraindik astebete geratzen da tabernetako bakailu pintxoak probatu eta, hauei 1etik 5erako puntuazioa emateko. Eta beste hainbat ekintza ere izango dira.
Iparragirren afaltzeko, izenematea
Horietako bat da ostiralean, 21:00etan, Iparragirre sagardotegian egingo den bakailu eta sagardo uztartze afaria, Juan Zuriarrain enologoarekin eta Juanjo Usarraga sukaldariarekin. Menuak 27 euro balio ditu, eta erreserba egin behar da: 943 55 03 28. Aurretik, 19:00etatik 21:00etara Rockalean animazioa izango da herrian.
Bestalde, Errioguarda-Enea, Iturralde eta Saretxo jatetxeetako menuetan bakailua eskainiko dute, oraindik.
Bisitak eta pil-pil lehiaketa
Gainera, asteazkenean Albaola bisitatzeko aukera izango da, 16:30etan, eta igandean, Hernaniko Hirigune Historikoa, 11:00etan, euskeraz. Bukatzeko bakailua pil-pil eran prestatzeko lehiaketa egingo da igandean. Ekintza hauetarako izenematea: 943 33 70 28 edo gurutze-a@hernani.eus.