Etorkizuneko Lizeaga auzo hobetua, proiektu izatetik errealitatera

«Lizeaga auzoarentzat etorki­zun erreal eta bideragarria plan­teatzea da Lizeaga 3.0 parte-hartze prozesuaren hel­bu­rua; bere historia, izaera eta nortasunarekin bat etorriko dena», azaldu du RB3 en­presak.
Gibelalde auzo elkartea jarri zen hauekin harre­ma­ne­tan, auzoa hobetzeko zer egin zitekeen aztertu nahian, eta Udalarekin adostu zuten gero, prozesua aurrera eramatea. Dagoeneko, martxan dago, eta auzotarrek dute hitza, orain.

Urritik abendura bitartean hainbat tailer egingo dira auzotarrekin, diagnostikoa osatu eta ekintza zehatzak proposatzeko.

Auzoa hobetzea, auzotarren esku
Ekainetik irailera bitartean, RB3 arkitekto eta hirigile tal­de­ak egin du Lizeaga 3.0 deitu zaion parte-hartze proze­su­a­ren aurre fasea: auzoa ezagutu eta diagnostiko bat osatzea. Txosten bat osatu dute datu horiekin, eta azaldutakoaren arabera, auzotarren txanda da orain: «honekin nahi duguna da, gogoeta kritikoa sortu, arazoak diagnostikatu, eta epe ertain eta luzerako ekintza eta estrategiak identifikatu eta ekintzak proposatu, beharren lehentasunen arabera».
Horretarako hain zuzen, bigarren fasea jarriko da mar­txan, datorren astean bertan, eta abendura arte luzatuko da.

Tailerrak, auzotarrekin
Bigarren fase horretan taile­rrak egingo dira auzotarrekin, eta aurrenekoa datorren as­te­az­kenean, hilak 19 egingo da, 19:00etatik 21:00etara. Diag­nos­tiko tailerra egingo da.
Hurrengo zita, azaroaren 2an jarri dute: agertoki tailerra egingo da. Jarraian, azaroaren 24an bilduko dira berriro, estrategai tailerrean, eta abenduaren 14an, ideia tailerra egingo da. Azkenik, diseinu tailerra egingo da, baina oraindik ez dute data zehaztu, horretarako.

Azkenekoa, ekintza fasea
Hau guztia, noski, helburu jakin batekin egingo da: auzoa hobetzea, auzotarrek dituzten beharren arabera.
Horregatik, zehaztu eta adosten diren ekintzak ur­ta­rrilean jarriko dira martxan, eta behar den denboran zehar luzatuko dira.
Prozesua auzotarrei aur­-kez­tu zitzaien lehengo astean, eta Luis Intxauspe alkateak azal­du zuen 2011 urteaz ge­roz­tik badela Lizeagarako proiek­tu bat, 4 milioi eurokoa; «Uda­lak bere gain hartzea zaila». Horregatik, prozesu honetan helburu egingarriak zehaztu nahi dira.

Lizeaga 3.0 aurre faseko txostena

Hobekuntza txikiak egin arren, ahaztutako auzoa

Parte-hartze prozesuaren aurreneko fasean diagnostikoa egin dute. Ikusteko: Gibelalden (www.gibelalde.com) eta ‘www.kronika.eus’.

Parte-hartze prozesuaren aurreneko fasean Lizeaga auzoa ezagutu eta diag­nos­tiko bat egin da, ekainetik iralera bitartean. Horre­ta­ra­ko, hainbat dokumentu az­tertu, administrazioarekin eta gizarte eragileekin elka­rriz­ketak izan eta auzoa eta inguruak bisitatu dituzte.
Lehengo astean eman zitzaien honen berri auzo­ta­rrei, eta orain, Gibelalde auzo el­kartearen lokalean (Larra­men­di 11) eta www.kroni­ka.eus webgunean ikusi daiteke.

Industrializazio garaiko auzo berria
Diagnostikoan bildu dute­na­ren arabera, Lizeaga auzoa 60eko hamarkadan jaiotako langile auzoa da. Garai hartan industria jarduerak eragin haundia izan zuen hirigintzan eta demografian, eta Lizeaga auzoa herri­gu­ne­tik aparte sortu zen, Euskal Herritik eta estatuko hainbat probintziatatik etorritako langileak hartzeko.
Ondorioz, espazio pu­bliko gutxi duen auzoa eraiki zen, langileentzako sortua zelako, eta ez zelako aisialdian pen­tsa­tzen. Era berean, auzo­ta­rrek sortutako auzoa izanik, bertakoa izatearen sen­ti­mendu haun­dia daukate.

80eko hamarkadatik, beherakada
Hainbat gabezia diagnos­ti­ka­tu dira dagoeneko. Adibidez, administrazioak ahaztuta izan duen auzoa dela. Gai­ne­ra, 80eko hamarkadatik be­he­rakada izan da auzoan, komertzioak itxi eta biz­tan­leria zahartu delako.
Positiboak izan dira  iris­ga­rritasuna hobetzeko Kox­ka­re­kin emandako pausoak ikas­tola haunditzea, herri sarrera eta Sandiusterri ka­leko obra... Baina beharrezkoa den era­l­da­ke­ta sakona, prozesu honek ekartzea espero da.