Goxali proiektuari esker, goizuetarrek ez dute Leitzako liburutegira joan beharrik izanen, liburu baten bila. Etxetik eskatu ahal izanen dute orain, eta Goxalin jasoko dute.
Eskatzeko, lau aukera
Horretarako, nahikoa izanen da Leitzako liburutegiaren web orrian sartzea (www.bibliotecaspublicas.es/leitza), eta zein liburu dauzkaten begiratzea, Argitalpenak edo Katalogoak ataletan.
Gero, apuntatu izenburua eta idazlea, eta egin eskaera: whatsapp bidez 681 265 188 zenbakian; Goxaliko begiraleei esanda (ostiraletan 17:00-18:00); emaila bidalita tmartinez @lagagizatezerbitzua.org helbidera; edo 948 51 08 40 telefonora deitu eta mezua utzita.
Eskatutako liburuak, hurrengo hilabetean jasoko dituzte Goxalin, eta hilabeteko epea izanen dute, irakurtzeko.