Kanika Aisialdi Taldea sortu duten zazpi gazte boluntarioek hernaniar guztiak gonbidatu dituzte gaur, 16:30e-tatik aurrera, Ave Marian egingo duten sortze festan parte hartzera.
Helburua da 6 urtetik gorako haur eta gazteek beren aisialdia antolatzea. «Beraiei eman nahi diegu boterea. Ikasi dezatela parte hartzen, herriari begira», azaldu diote Kronikari.
Arratsalde osoko festa
Hori eta gehiago azalduko dute gaur, Ave Marian jarriko duten informazio puntuan. Era berean, festarako eta ondo pasatzeko hainbat ekintza antolatu dituzte 16:30etatik aurrera: jolasen zirkua, ipuin kontalaria, ikuskizun berezia, kontzertuak, barra, pintxoak...
Hori bai; aurrerantzean, haur eta gazteen bidelagun izango dira hezitzaileak, baina gazteek beren aisialdia antolatzea da helburua.
Umetatik, hezitzaileetara
Hasteko, haur eta gazteei egin diete deia, taldera gerturatzeko. Baina espero dute gerturatzen direnak hezitzaile izatea, etorkizunean.
KANIKA TALDEAREN SORTZE FESTA
Haur eta gazteen aisialdi taldea
Ave Marian, 16:30etatik aurrera:
17:00-19:00: Kermesse-a: jolasen zirkua.
17:00: Apaxi ipuin kontalaria.
18:00: Oihal akrobatiko eta slackline ikuskizuna.
19:00: Txirristra erraldoia.
19:30: Kontzertuak.
Arratsalde osoan zehar:
l Buruarinak.
l Txosna.
l Barra.
l Pintxoak.
l Informazio puntua.