Txantxillatik abiatu, Santa Barbarako ermitara igo, eta auzora bueltan jaitsi. Beste urte batez, eta dagoeneko badira lau edizio, Txantxillako Krossa izango da datorren larunbatean, goizeko 10:30etan abiatuta.
Auzoko festen programaren barruan antolatu dute, eta izenematea zabalik dago, www.herrikrosa.eus web orrian, 3 euroan. Egunean bertan ere izango da apuntatzeko aukera, irteera gunean bertan, goizeko 09:15etatik 10:00etara. 5 euro izango dira orduan.
Sari berezia aurten, ermitako kanpaia aurrena jotzen duenarentzat
Lasterketaren 6,3 kilometroak azkarren egiten dituztenek, saria jasoko dute. Eta aurten, sari berezi bat ere izango da, ermitako kanpaia aurrena jotzen duenarentzat.
Aurretik, haurren txanda
Aurretik, haurrek ere izango dute aukera, korrika egiteko: haurrentzako krossa antolatu dute, 10:15etan hasita, auzoko plazari buelta bat edo bi emanez (adinaren arabera).