Hernaniar eta astigartarrei luzatu die deia BagaGiltza herri plataformak, argazki erraldoia ateratzeko, erabakitzeko eskubidearen alde. Hernaniko apeaderoko eskaileretan jarri dute zita, eguerdiko 13:15etan: «zu beharrezkoa zara! Erabakitzeko eskubidearen alde bidea eraikitzeko behar zaitugu. Zatoz, ekimenaren irudia izango den argazki erraldoi baten parte izatera!», luzatu diete deia herritar guztiei.
Udaberrian egingo den herri galdeketari begira, beste bi zita ere jarri ditu BagaGiltzak: batzarra egingo dute hilaren 29an, eta Udaberri Festa azaroaren 12an.