Euskera ahoan, eta jolastu, Euskararen Ginkanan!

Euskeraz ondo pasa nahi du­zu? Euskerazko proiektu bat au­rrera eramateko dirua be­har duzu? Hain zuzen, galdera horiei erantzuteko sortu zuen Kutxa Eko­guneak Euskararen Gin­kana 2011garren urtean. 
Bost urte pasa dira ordutik, eta horrekin batera, beste edi­zio bat aurkeztu dute. Izene­ma­tea dagoeneko irekita dago, eta abenduaren 3ra arte izan­go dute aukera Euskal Herriko tal­deek apuntatzeko. Horre­tarako www.euskararenginka­na.eus webgunera jo beharko da.

Taldeka, proiektu baten alde
Parte hartu ahal izateko, tal­de­a sortzea da aurreneko pau­sua. 4-6 kideko taldeak izan be­­har dira, 16 urtetik gorakoak de­nak: «edozein taldek balio du, era informalean sortu­takoak ere bai. Saria jasotzeko euske­rarekin lotura duen proiektu bat bakarrik behar dute, eta edozer gauza izan daiteke proiektu bat», azaldu du Itsaso Olaizola Ekoguneko egi­tas­moaren arduradunak. 

Bi fase, urtarrilera arte
Behin taldea sortuta, eta izena eman ondoren, aurre­ne­ko fa­se­­­­ari emango zaio hasi­era aben­­­­duaren 3tik aurrera: on­li­ne bidezko proben fasea, hain zu­zen. 
Urtarrilaren 19ra arte, sei as­te izango dituzte talde parte-har­tzaileek aurreneko fase hori betetzeko. Denbora tarte ho­rre­tan, astero argitaratuko dute pro­­ba berri bat www.euskara­ren­ginkana.eus, webgunean eta proben emai­tzak webgu­nean erantzun be­harko dituzte taldeek. Talde parte har­tzaile­ek, batak beste­aren probak iku­si eta ja­rrai­tzeko aukera izango dute, baita sare sozialen bitar­tez elkar­banatzeko aukera ere. 
Ekintza zehatzak eskatzen duten probak, galderak... izan­go dira aurreneko fase hone­tan, betiere, ludikotasuna eta ezagutza uztartuz. Pixkanaka joango dira probak azaltzen, baina aurrenekoa jada jakina­razi dute: «talde bakoitzak aur­kezpen bideo bat prestatu be­harko du eta bertan azalduko dut­e zein diren eta zer egingo duten saria irabaziz gero», dio Olaizolak. 
Fase hau bukatzean pun­tu­azio altuenak dituzten lau tal­deak pasako dira bigarren fa­sera. Final haundia izango da ho­ri, eta urtarrilaren 28an egin­go da Ekogunean bertan.

Sariak, barra-barra
Euskeraren inguruko proiektu bat finantziatzeko 3.000 euro­ko saria jasoko du final haun­dian garaile denak, baina bes­te­en­tzat ere, ez da oparirik fal­tako. Aurten, gainera, bos­ga­rren edizioa dela ospatzeko, astero sari berezi bat zoz­ketatuko da aste horretako proba erantzun duten taldeen artean. 
Hizkuntza-ekologia, aurtengo gaia
Aurreko edizioetan bezalaxe, aurten ere gai zehatz baten bueltan egingo dute Euska­raren Ginkanaren bosgarren edizio hau. Hizkuntza-ekolo­gian oinarrituko dute aurten­go lehiaketa, eta Ekoguneko ardu­radunaren hitzetan,  hel­burua izango da «hizkun­tzetara eko­logiaren begirada ekartzea eta hizkuntza aniz­tasunaren alde­ko praktika ekologikoak sus­tatzea». Hala, «bioaniz­ta­su­na­rekin egiten dugun legez, mun­duko kultura eta hiz­kun­tzak balioan jarriko ditugu eta euskaldunok mun­duko hiz­kun­tza aniztasunari egin die­za­iokegun ekarpen handiena euskaraz bizitzea eta euskara bestoi ematea dela barne­ratuko dugu». Izan ere, «hama­bost egunero mun­duan hiz­kuntza bat hiltzen ari den ga­rai honetan, hizkuntzen alde­ko ekintzaileak behar di­tu­gu, hizkuntza-ekolo­gistak!».

Euskera sustatzea, helburu
Aukera hau baliatuko dute «eus­­kera eremu informalekin, jo­lasekin, eta orokorrean, aisi­aldiarekin lotzeko», azaldu du Itsaso Olaizolak berak. Eta edu­kizko jolas eta galderak erabiliz, hizkuntzarekin lotu­ta­­ko hausnarketak bultzatu nahi ditu Kutxa Ekoguneak, Azkue Fundazioaren eta Eus­kal­tza­leen Topagunearen la­gun­tza­rekin. Olaizolak dioe­nez, «euskera garaikoa, berta­koa eta ekologikoa» alda­rrikatzeko aukera ematen du Kutxa Ekogunearen Euska­raren Ginkanak.