Txantxillako jai batzordea auzoko jaiak prestatzen ari da buru belarri. Urriaren 21 arratsaldean hasiko dira jaiak, eta urriaren 22a izango da egun haundia. Azken preparatiboen faltan, zabaldu dute krossean izena emateko epea.
Krossa, Santa Barbaran barrena
Txantxillako krossaren IV. edizioa izango da aurtengoa: 6,3 kilometroko ibilbidea du krossak, eta Txantxillako plazan hasi eta bukatu da, eta ibilbidea Santa Barbara mendian barrena egingo dute korrikalariek.
Nor izango ote da kanpaia jotzen aurrenekoa?
Lasterketa 10:30etan hasiko da, eta ohi bezala, erronka berezi bat izango dute partehartzaileek: Santa Barbarako kanpaia jotzea. Goraino igo eta kanpaia lehenengo jotzen duenak sari berezi bat izango du. Eta noski, ohiko sariak ere banatuko dituzte lasterketa bukatzen denean.
Izena emateko epea, zabalik
Krossean izena eman nahi duenak dagoeneko zabalik du epea herrikrossa.eus webgunean, 3 euroren truke; egunean bertan ere izango da aukera, 5 euroan. Jai batzordeak dei egin diete herritarrei parte hartzera.
Haurrentzako krossa, aurretik
Txantxillako krossaren berezitasunetako bat izaten da, haurrek ere izaten dutela tartea bertan. Lasterketa nagusiaren aurretik haurrena izaten da, 10:15etan hasita. Txikiek aurretik ematen dute izena eta adinaren arabera, Plazari buelta bat edo bi ematen dizkiote.