Gizonezko bat hilda aurkitu zuten Goizuetako malkar batean, perretxikoak biltzen ari zela erorita

Donostiako 63 urteko gizonezko bat hilda aurkitu zuten atzo, Goi­zue­tako malkar batean. Nafa­rroa­ko Polizia Foralak Kro­nikari azaldu zionez, gertaera aztert­zen ari dira.

Perritxiko bila atera zen
Gertaeren errepasoa hala egin zion atzo Kronikari Polizia Fo­ralak: «atzo goizean Er­tzaintzak desager­tze baten de­nuntzia jaso zuen, eta hasieratik izan zen  Goi­zuetan aurkitutako gorputza desagertutako gizonarena izan zitekeenaren susmoa. Aurre­neko hipotesien arabera, perre­txiko bila gerturatu zen Goizue­tara, eta ustez, mendi magaletik bera erori zen. Bertara gerturatzea ez zen erraza izan, eta suhiltzaileek berreskuratu be­har izan zuten gorputza. Desa­gertuaren ko­txea topatu izanak alertan jarri zuen hasieratik Elizondoko Polizia Forala, eta ondoren aurkitu zuten gorpu­tza». Polizia Judiziala eta Iru­ñako Polizia Zientifikoa gerturatu ziren  gertaera lekura, eta gorpua Nafarroako Medikuntza Legalaren  Institutura eraman zuten, autopsia egiteko.