Astebururo bezala, oraingo honetan ere, bi zita dituzte goizuetar esku pilotariek. Aurreneko partidua Donezteben izanen da gaur goizeko 10:00etan hasita. Bertan jokatuko da Nafarroako txapelketa, eta eskuz banakako kadeteetako final laurdenetan lehiatuko da Umore Onako Antton Apezetxea pilotaria, Zugarraldeko Lergaren kontra.
Bestalde, gaur ere, arratsaldeko 16:30etan hasita jokatuko dute Goizuetako Iker Salaberriak eta Errioxako Pedro Ruizek, Ataungo Zubizarreta eta Alegiko Irazustabarrenaren kontra Errioxako Alberda herrian.
Aurreko asteko bi partiduak irabazi egin zituzten goizuetarrek.
Bi garaipen goizuetarrek, aurreko astean
Aurreko asteburuan, berriz, Umore Onako Aitor Aizkorbe pilotariak 18-4 irabazi zuen Ardoiko Roldanen kontra, eta Iker Salaberria goizuetarrak eta Pedro Ruiz errioxarrak osatzen duten bikoteak 22-11 irabazi zion Portugaleteko Riol eta Bartu bikoteari.