Aranora igoera bizikletan, gazte nahiz helduek

Urtero bezala, aurten ere Ara­nora egin dute igoera, Ere­ño­tzutik abiatuta. Lagun koadrila baten egunpasa zena, Udaz­ken Kulturaleko aurreneko ekintza bihurtu zen, eta urteak pasata, koadrila ederra elkartu ziren aurreko larunbatean, bakoitza bere bizikleta hartuta. 
Ereñotzuko plazan jarri zuten elkartzeko zita goizeko 11:00etan. Taldeko argazkia atera, eta semaforotik abiatu ziren Aranorantz bertaratutako gazte nahiz helduak. Eguer­di aldera iritsi, bertan bazkaldu, eta lagunartean eta kirol pixka bat eginez, egun borobila pasa ostean, buelta egin zuten Ereñotzura.