Hassanna Aaliari errefuxiatu politiko estatusa onartu dio Auzitegi Nazionalak

Bost urte behar izan ditu Ha­ssana Aalia aktibista sa­harar­rak asilo eskubidea lortzeko. Atzo pren­tsaurrekoa eman zuen CEAR Euskadirekin ba­ter­a, eta bertan azaldu zue­nez, Espainiako Au­zi­tegi Na­zio­nalak asilo babesa ai­tortu dio. Au­zi­tegi Na­zio­nalaren esanetan, zu­zen­bidearen kon­trakoa izan zen Aaliak Ra­bateko auzitegi militarrean izan zuen prozesua. Era be­rean, Au­zitegi Nazionalak le­gez ka­n­po­tzat jo du Es­pai­niako Barne Mi­nis­terioak Aalia kan­poratzeko eman zuen ebazpena. Espai­niako Gober­nuak 30 eguneko epea du orain helegitea aurkezteko.
Aalia oso pozik agertu zen atzoko agerraldian: «eten­gabeko borroka izan da, eta azkenean lortu dugu. Eskerrak eman nahi dizkiet bidean lagundu dida­tenei. Denon garaipena izan da, baina bereziki Gdeim Izikeko preso politikoena».