Hernaniko Argazki Forumak antolatuta, Argazki Rallyaren XVgarren edizioa izan da jokoan aurten. Parte hartzaileek irailaren 18an atera zituzten argazkiak, eta hiru eguneko epea izan zuten argazkiak entregatzeko.
Zazpi sari banatuko dituzte aurten, helduen eta haurren kategoriakoak.
Erakusketan, argazkiak
Lehiaketan parte hartu duten argazkiak ikusgai daude iraila bukaeratik; antolatzaileek azaldu dutenez, partehartzaile bakoitzaren argazki bat jarri dute ikusgai. Ostegunera arte egongo dira, Biteri kultur etxean.
Zazpi sari
Lehiaketaren saribanaketa ostegunarekin egingo dute aurten; 19:00etan, Biterin. Ekitaldian Rallyan parte hartu duten argazki guztiak jarriko dituzte.
Irabazleei dagokienean, epaimahaia Foto Forumeko hiru kidek osatu dute, eta guztira zazpi sari banatuko dituzte. Helduen mailan lau sari emango dira: Bilduma onena, Bigarren bilduma onena, Hernaniar batek egindako bilduma onena eta Rallyko argazki onena. Haurren mailan emango dira beste hiru sariak: Bilduma onena, Argazki bitxiena eta Argazki atseginena. Gogoratu dute, saritutako argazkiak antolatzaileen esku geratuko direla eta hauek argitaratzeko eskubidea izango dutela.