Gure Esku Dagok loteria jarriko du salgai: Urbeterriko Saria izena izango du. Azaldu dutenez, helburua ez da soilik izango herri ekimenaren jarduera finantziatzea, «Euskal Herrian erabakitzeko eskubidearen aldeko aldarria indartzea ere bada asmoa».
Sari nagusia: 30.000 euro
Loteriako txartel bakoitza 5 euroan salduko dute, eta sari nagusi bat izango da: irabazleak 30.000 euro jasoko ditu. Hala ere, hori ez da sari bakarra izango: 1.000 euroko beste hamar sari ere banatuko dira. Zozketa urtarrilaren 16an egingo dute, notario aurrean.
Txartelak salgai, bihartik
Hernaniko Gure Esku Dagok jakinarazi duenez, bihartik aurrera hasiko dira loteria saltzen. Plaza Berrin jarriko dute postua eta 18:00etatik 20:00etara egongo dira bertan. Azaldu dutenez hurrengo egun eta asteetan Hernaniko hainbat saltoki eta tarbernetan ere aukeran izango dira txartelak.