Aurreko asteburuan bezala, golik gabe bukatu zuen partidua Mundarrok; ez sartu eta ez jaso. Berdinketa lortu zuen Dunboaren kontra (0-0), Zarkumendegin, azken minutuetan irundarren porteria setiatu ondoren, hiru puntuen bila.
Moreek ondo ekin zioten partiduari, baina Dunboak hartu zuen kontrola gero; gol aukera garbirik gabe, hori bai. Bereziki, hegaletako jokalariek eman zituzten arazoak, Mundarroko zentralen bizkarra hartuta, astigartarrak ezinean aritu zirelako presioa egiten.
Bigarren zatian, Mundarro jaun eta jabe
Bestelakoa izan zen bigarren zatia. Jaun eta jabe izan zen Mundarro hasieratik, nahi zuen erritmoa jarrita, eta gol aukera garbiak sortu zituzten. Gola egiten, ordea, ez zuten asmatu; hein batean, irundarren atezainak partidu bikaina egin zuelako. Sustorik ere izan zuten astigartarrek, Dunboak zutoinera bidali baitzuen jaurtiketa bat. Baina azkeneko minutuetan, Mundarro uneoro aritu zen erasoan. Merezitako saririk ez zuen lortu, ordea.
Partiduko onena izan zen, ikustea Mundarroren jokoak hobera egin duela, atearen aurrean ez asmatu arren. Horretan saiatuko dira datorren ostiralean, 12:00etan Trintxerpen, hiru puntuak ekartzeko.