Bihar hasi eta urriaren 21era bitartean, Hernani Kuttuna izeneko argazki lehiaketan parte hartzeko epea irekiko du Udalak.
Helburua da aurkezten diren argazkien artean hamabi aukeratzea, datorren urteko egutegia osatzeko.
Argazki eta istorio txikiak
Argazki lehiaketako gaia da, Hernani Kuttuna. Hain zuzen, parte hartzaileei eskatzen zaie kuttunena, gustokoena duten Hernaniko txoko, ekitaldi edo gertaeraren baten argazkiak aurkezteko. Baina ez argazkiak bakarrik; argazkiarekin batera, 300 karaktereko azalpen txiki bat aurkeztu behar da, azaltzeko zergatik den hain kuttuna irudi horretan aurkeztu dena.
Gehienez, bost argazki
Edonork hartu dezake parte lehiaketan, eta argazki bat baino gehiagorekin; gehienez, bostekin. Baina banaka aurkeztu beharko dira, bakoitza egilearen datuak dituen sobre batekin, Herritarren Harrera Zerbitzuan. Lehiaketako oinarriak bihar zintzilikatuko ditu Udalak, webgunean.